DÜNYA


“Hayabusa-2” kosmik zondu asteroidin səthinə enmə əməliyyatını təxirə salıb

Tokio, 17 may, AZƏRTAC

Yaponiyanın “Hayabusa-2” kosmik zondu Ryuqu asteroidinin səthinə yaxınlaşa bilməyib.

AZƏRTAC Yaponiya Aerokosmik Məkanın Tədqiq Agentliyinə (JAXA) istinadla xəbər verir ki, zond asteroidin səthinə 50 metr məsafədə yaxınlaşıb. Bu zaman onun Ryuqu asteroidinə növbəti eniş üçün səmt yerini müəyyən edəcəyi planlaşdırılırdı.

Xatırladaq ki, “Hayabusa-2” apreldə asteroidə metal obyektdən atəş açaraq, onun səthində on metr diametrində krater əmələ gətirib. JAXA süxur nümunələri götürmək üçün zondu kraterin daxilinə və ya yaxınlığına endirməyi planlaşdırır.

Mayın 16-da zond asteroidə yaxınlaşaraq kəşfiyyat aparmalı və 10 metr hündürlükdən eniş yerinə təyinedici işarə atmalı idi.

Lakin agentliyin nümayəndələri bildiriblər ki, asteroidə 50 metr məsafədə yaxınlaşan zond avtomatik şəkildə əməliyyatı dayandırıb. Bundan sonra “Hayabusa-2” öz daimi yerinə, asteroidin səthindən 20 kilometr hündürlüyə qayıdıb.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.