DÜNYA


İstanbulda yeni Atatürk Mədəniyyət Mərkəzinin təməli qoyulub

İstanbul, 10 fevral, AZƏRTAC

Fevralın 10-da İstanbulun mərkəzi hissələrindən olan Taksim meydanında yeni Atatürk Mədəniyyət Mərkəzinin təməli qoyulub.

AZƏRTAC xəbər verir ki, təməlqoyma mərasimində Türkiyə Prezidenti Rəcəb Tayyib Ərdoğan iştirak edib.

Yeni mədəniyyət mərkəzinin əsasını 2073 nəfər üçün nəzərdə tutulan opera salonu təşkil edəcək. Binada 828 nəfərlik teatr, 1000 nəfərlik konsert, 285 nəfərlik kino, 250 nəfərlik otaq teatrı və bir sərgi salonlarının, eləcə də bir kitabxananın olacağı bildirilir. Yeni binanın ən üst mərtəbəsində isə restoran fəaliyyət göstərəcək. Bundan əlavə, binada 885 maşın üçün avtomobil dayanacağı da inşa olunacaq.

Mərkəzin tikintisinin iki ilə tamamlanması planlaşdırılır. Yeni binanın memarı bundan əvvəlki Atatürk Mədəniyyət Mərkəzinin memarı olan Murat Tabanlıoğlunun oğlu Hayati Tabanlıoğludur.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.