MƏDƏNİYYƏT


“Kappelhaus”da qaçqınlara və miqrantlara həsr olunmuş sərgi açılıb

Bakı, 22 sentyabr, AZƏRTAC

Sentyabrın 22-də “Kappelhaus” Almaniya-Azərbaycan Mədəniyyət Cəmiyyətində “Jerikonun gəmi qəzasına qayıdış. Qaçqınlar və miqrantlar haqqında” sərgisinin açılışı olub. Layihənin müəllifi Bakıdakı Höte İnstitutudur (“Goethe-ZentrumBaku”). AZƏRTAC xəbər verir ki, sərgi bədii vasitələrin köməyi və problemə poetik yanaşma tərzi əsasında miqrasiya mövzusunu təfərrüatı ilə təqdim edir. Beləliklə, qaçqınlar öz fərdi hekayələrinə qayıdır, adətən aid edildikləri anonim kütlədən ayrılır.

Braziliyalı rəssam Arcan Martinsin əsərlərində Atlantik okeanında quldarlıq marşrutlarının tarixinə nəzər salınır. Sitarə İbrahimovanın “Dondurulmuş münaqişə” foto-sənədli layihəsi Dağlıq Qarabağ münaqişəsinin gərgin vaxtlarında Kərkənc və Qızıl Şəfəq kəndləri sakinlərinin sülh yolu ilə evlərini dəyişməsinin tarixçəsinə həsr olunub. Rəssamlar Adad Xanna (Kanada) və Marsel Odenbaxın (Almaniya) videomateriallarında Teodor Jerikounun məşhur “Meduzanın salı” əsərinə istinad edilir. Bu tabloda fransız hərbi-dəniz freqatının indiki Mavritaniya sahillərində qəzaya uğramasından sonrakı anlar təsvir olunub. Seneqallı Ömər Viktor Diopanın fotoportretləri Afrika və Şimali Amerikada azadlıq hərəkatının tarixinə həsr olunub.

Sərgi noyabrın 18-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.