“Kitabxana işinin inkişafında Heydər Əliyev irsinin rolu” mövzusunda elmi-nəzəri konfrans keçirilib
Bakı, 22 may, AZƏRTAC
Respublika Uşaq Kitabxanasında Ümummilli Lider Heydər Əliyevin anadan olmasının 100 illiyinə həsr olunmuş "Kitabxana işinin inkişafında Heydər Əliyev irsinin rolu” mövzusunda respublika kitabxanalararası elmi-nəzəri konfrans keçirilib.
Kitabxanadan AZƏRTAC-a bildirilib ki, tədbir Ümummilli Liderin və torpaqlarımızın ərazi bütövlüyü uğrunda canlarından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb. Ardınca Ümummilli Lider Heydər Əliyevə həsr olunmuş videoçarx nümayiş olunub.
Sonra isə Respublika Uşaq Kitabxanasının elmi katibi tərəfindən hazırlanmış "Kitabxana işinin inkişafında Heydər Əliyev irsinin rolu" adlı elektron məlumat bazasının təqdimatı keçirilib.
Konfrans məruzələrlə davam edib.
Konfrans çərçivəsində "Ulu Öndər Heydər Əliyev tarixi yaddaşda", "Heydər Əliyev və Azərbaycanda insan hüquqları üzrə kitabxana- informasiya sisteminin inkişafı”, "Heydər Əliyev Milli Kitabxananın tarixindǝ", “Kitabxana-informasiya fəaliyyəti sistemində Heydər Əliyevin multikulturalizm siyasətinin əsas məsələləri", "Kitabxanaların elektronlaşdırılması rəqəmsal cəmiyyətin tələbidir", "Heydər Əliyev və milli-mənəvi dəyərlərimiz”, “Azərbaycanda kitabxana-informasiya fəaliyyətinin inkişafında Heydər Əliyev mərhələsi" mövzusunda məruzələr dinlənilib.
Tədbirin sonunda qonaqlar görkəmli dövlət xadimi Heydər Əliyevin həyatının, siyasi fəaliyyətinin müxtəlif dönəmlərini əks etdirən kitab və rəsm əslərlərdən ibarət sərgi ilə tanış olublar.
Qeyd edək ki, Azərbaycan tarixinin bütöv bir dövrü Heydər Əliyevin şərəfli adı və möhtəşəm fəaliyyəti ilə bağlıdır. Onun Azərbaycana rəhbərliyi dövründə ölkəmiz bütün sahələrdə böyük inkişaf yolu keçib. O, həyatını ölkəmizin yüksəlişinə və insanların xoşbəxtliyinə həsr edib. Müstəqilliyimizin ilk illərində kitabxanaların normal yaşayıb fəaliyyət göstərməsi üçün normativ-hüquqi bazanın formalaşdırılması, genişmiqyaslı özəlləşdirmə proqramı çərçivəsində kitabxana binalarının zəbt olunması və qiymətli kitab fondlarının məhv olmaq təhlükəsindən xilas edilməsi kimi taleyüklü məsələlərin həllində Heydər Əliyevin xüsusi xidmətləri vardır.
Bölmənin digər xəbərləri
