Norveçlilər cırtdan ulduza və onun ətrafında fırlanan planetə saam adları veriblər
Stokholm, 20 dekabr, AZƏRTAC
Norveç Beynəlxalq Astronomiya İttifaqının 100 illiyinin bayram edilməsi çərçivəsində cırtdan ulduza və onun ətrafında fırlanan planetə saam dilində “ulduz” və “asiman” adları verib.
AZƏRTAC Norveç KİV-lərinə istinadla xəbər verir ki, Yerdən 200 işıq ili məsafədə yerləşən “HD 68988” ulduzu bu həftədən etibarən rəsmən Nasti (Násti saamların dilində ulduz deməkdir), “HD 68988” planeti isə Albmi (saam dilində cənnət deməkdir) adlandırılacaq.
Norveç yeni kəşf edilmiş ulduzlara və planetlərə adların verilməsinə cavabdeh olan orqanın - Beynəlxalq Astronomiya İttifaqının 100 illiyi şərəfinə yeni planet və ulduzları adlandırmaq üçün icazəsi olan 116 ölkədən biridir.
Qeyd edək ki, 2019-cu ildə 112 ölkə milli kampaniyalar təşkil edib. Həmin kampaniyalarda bütün dünya üzrə 780 min insan iştirak edib. Saam adları 824 təklif içindən seçilib.
Rauf Əliyev
AZƏRTAC-ın xüsusi müxbiri
Stokholm
Bölmənin digər xəbərləri
