® “Kapital Bank”ın müştəriləri “13-cü maaş” qazandı
Xəbər verdiyimiz kimi, yanvarın 13-dək "Kapital Bank"ın ödəniş kartları ilə məvacib alan müştərilər "13-cü maaş" adlı stimullaşdırıcı lotereyada iştirak edib aldıqları rəsmi məvacib miqdarında hədiyyə qazana bilərdilər. Yanvarın 16-da baş tutan lotereya tirajı zamanı "Kapital Bank"dan məvacib alan 10 nəfər müştəri təsadüfi seçimlə qalib elan olundu.
Qeyd edək ki, məbləğ yaxın günlərdə müştərinin əməkhaqqı kartına köçürüləcək. Qaliblərin siyahısı saytda dərc olunub - www.kapitalbank.az/news/13cumaash-541.
Şərtlərə görə, müştərilər POS-terminal və ya internet vasitəsilə onlayn ödəniş əməliyyatı etməklə, avtomatik olaraq lotereya iştirakçısı olurdular. Minimum 10 manat olan hər nağdsız ödəniş, bir iştirak şansına bərabər tutulurdu. Rüsum, kommunal və kredit ödənişləri, həmçinin Card-to-card əməliyyatları lotereyada iştirak etmirdi.
Azərbaycanda ən böyük filial şəbəkəsinə malik olan "Kapital Bank" 98 filialı və 12 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya bankın müxtəlif sosial şəbəkələrdə olan səhifələrinə müraciət edə bilərsiniz.
Bölmənin digər xəbərləri
