İQTİSADİYYAT
® “STP Şirkətlər Qrupu”nda istehsalat həcmi artıb
![® “STP Şirkətlər Qrupu”nda istehsalat həcmi artıb](/files/2024/1/1200x630/17074617242451137468_1200x630.jpg)
“STP Şirkətlər Qrupu”na daxil “ASSAN STP Panel” şirkətində 2022-ci il ilə müqayisədə məhsullarının satış həcmi 1,8 dəfə, istehsalat həcmi isə 1,9 dəfə artıb.
Həmçinin “ASSAN STP Panel” şirkətində polikarbonat lövhələrinin istehsal sahəsi genişləndirilib. Əsasən xarici bazarlara satışı həyata keçirilən bu məhsul sendviç panellərə, həmçinin istənilən dam və divar örtüklərinə asan quraşdırılaraq təchiz olunan məkanın günəş şüaları ilə işıqlandırılmasına xidmət edir. Yüksək məhsuldarlığa malik bu məhsul uzunmüddətli və dayanıqlı işıqötürmə gücü ilə enerji sərfiyyatını minimuma endirir. “Yaşıl Dünya Naminə Həmrəylik İli” çərçivəsində həyata keçirilən bu layihə vasitəsilə “STP Şirkətlər Qrupu” #yashilplanet şüarı altında ətraf mühitin qorunmasına çağırış edir.
Qeyd edək ki, 2014-сü ildən fəaliyyət göstərən “ASSAN STP Panel” şirkətində sendviç panel, alüminium kompozit lövhə, metal profilli dam örtükləri, metal-kirəmit, asma tavan, tor panellərin istehsalı eləcə də, alüminium və metal lövhələrdən aksesuarların hazırlanması, penoplastların doğranılması, mişarların itilənməsi xidmətləri həyata keçirilir.
“STP Şirkətlər Qrupu”nun təqdim etdiyi məhsul və xidmətlərlə bağlı ətraflı məlumatı *0990 Məlumat Mərkəzinə zəng edərək, şirkətin rəsmi internet səhifəsini (www.stp.az) və ya sosial şəbəkələrdə mövcud səhifələrini izləyərək əldə edə bilərsiniz.