“Abituriyent” jurnalının ikinci nömrəsi çapdan çıxıb
Bakı, 2 aprel, AZƏRTAC
Dövlət İmtahan Mərkəzi (DİM) tərəfindən “Abituriyent” jurnalının ikinci nömrəsi nəşr edilib.
DİM-dən AZƏRTAC-a bildirilib ki, jurnalda 2018/2019-cu tədris ili üçün Azərbaycan Respublikasının ali təhsil müəssisələrinə tələbə qəbulu elanının tam mətni, ixtisaslar üzrə müsabiqə şərtləri, “Abituriyentin elektron ərizəsi” formasının doldurulma qaydası və nümunəsi yer alıb. Jurnalda, həmçinin “Şəxsi kabinet”in yaradılması və istifadə qaydası, ali təhsil müəssisələrinin xüsusi qabiliyyət tələb edən ixtisasları üzrə müsabiqə şərtləri, 2017-ci ilin tələbə qəbulu müsabiqəsində ali təhsil müəssisələrinin ixtisasları üzrə formalaşmış keçid balları, imtahan fənləri üzrə bəzi test tapşırıqlarının izahı və tövsiyələr, abituriyentlər üçün elmi-metodik məqalə və digər zəruri materiallar dərc edilib.
Jurnalı DİM-in Bakı şəhəri, Yasamal rayonu, M.Müşfiq küçəsi, 1m., Bakı şəhəri, Nəsimi rayonu, A.Salamzadə küçəsi, 28. Ünvanlarındakı binalarında “Abituriyent” satış köşklərindən, həmçinin kitab mağazalarından almaq və ya www.abiturient.az saytından sifariş etmək olar.
Bölmənin digər xəbərləri
