ABŞ ÇİN VƏ ŞİMALİ KOREYA FİRMALARINA QARŞI SANKSİYALAR TƏTBİQ EDİR
İyulun 3-də ABŞ Dövlət Departamenti İrana silah göndərdiyinə görə Çinin beş şirkətinə və Şimali Koreyanın bir firmasına qarşı sanksiyalar tətbiq olunduğunu bəyan etmişdir. Dövlət Departamentinin məlumatında deyilir ki, belə hərəkətlər “kütləvi qırğın silahların və yaxud raketlərin istehsalı üçün maddi töhfə” ola bilər. Sanksiyaya görə, bu şirkətlərdən hər hansı biri ilə hökumət səviyyəsində müqavilələr bağlanmasına, ABŞ tərəfindən onlara yardım göstərilməsinə və silah satılmasına icazə verilmir. Sanksiyalar iki il müddətində qüvvədə qalacaqdır.
Bölmənin digər xəbərləri
