ABŞ-da bir həftə ərzində neft ehtiyatları 1 milyon barel artıb
Vaşinqton, 11 noyabr, AZƏRTAC
Ötən həftə ərzində ABŞ-da neftin kommersiya ehtiyatları 1 milyon barel artıb. Bu haqda ABŞ Energetika Nazirliyinin bəyanatında bildirilir.
AZƏRTAC xəbər verir ki, noyabrın 5-i üçün olan məlumata görə ABŞ-da neftin kommersiya ehtiyatlarının həcmi 435,1 milyon bareldir.
Bloomberg statistika şirkətinin hesablamalarına görə, benzinin əmtəə ehtiyatları 1555 min barel azalaraq 212,703 milyon barelə bərabər olub etdi. Distillatların kommersiya ehtiyatları 2613 min barel azalaraq 124,509 milyon barelə düşüb.
Ekspertlər neft ehtiyatlarının 1600 min barel artacağını, benzin ehtiyatlarının 1250 min barel və distillat ehtiyatlarının 1000 min barel azalacağını gözləyirdilər.
AZƏRTAC-ın Vaşinqton bürosu
Bölmənin digər xəbərləri
