ABŞ-da bir kişi beş nəfəri və sonra özünü öldürmüşdür
Bakı, 30 oktyabr (AZƏRTAC). Amerikanın Cənubi Karolina ştatında bir kişi beş nəfəri və sonra özünü güllə ilə vurub öldürmüşdür.
Bu barədə yerli “Index Journal” informasiya portalı hüquq mühafizə orqanlarındakı mənbələrə istinadla xəbər vermişdir.
Məlumata görə, şübhəli şəxs - 27 yaşlı Brayan Suett Qrinvud şəhəri yaxınlığındakı evlərdən birində qətl hadisələri törətmişdir.
“GWD Today” portalı xəbər verir ki, insanlar girov götürülmüşlər.
Hadisə yerinə polis işçiləri və onunla danışıq aparan şəxs gətirilmişdir. Lakin cinayətkardan cavab gəlmədikdə xüsusi təyinatlı polis dəstəsi (SWAT) binaya daxil olmuş və altı meyit aşkar etmişdir.
Həlak olanlar arasında iki uşaq vardır.
Hadisənin başqa təfsilatı hələlik bəlli deyildir.
Bölmənin digər xəbərləri
