ABŞ-da “remdesivir” preparatının koronavirusa qarşı istifadəsinə icazə verilib
Bakı, 2 may, AZƏRTAC
ABŞ-ın FDA tibb tənzimləyicisi Gilead kompaniyasının “remdesivir” preparatından koronavirusa qarşı istifadə olunmasını qərara alıb.
AZƏRTAC xəbər verir ki, bunu jurnalistlərə ABŞ Prezidenti Donald Tramp elan edib. “Bu, xəstəxanaya yerləşdirilmiş koronavirus xəstələrinin müalicəsi üçün mühüm vasitədir”, - deyə Tramp bildirib.
Virus əleyhinə “remdesivir” preparatı vaxtilə Ebola qızdırması ilə mübarizə çərçivəsində hazırlanmış, lakin həmin vaxt öz effektivliyini təsdiqləyə bilməmişdi. Sonradan o, SARS və MERS infeksiyalarının müalicəsində istifadə olunmuş və lazımi səmərə vermişdi.
Preparatı Amerikanın Gilead Sciences kompaniyası istehsal edəcək. Hazırda beynəlxalq alimlər qrupu “remdesivir”in vəziyyəti ağır olan xəstələr üzərində klinik sınaqlarını aparır.
Bölmənin digər xəbərləri
