ABŞ DİPLOMATI AZƏRBAYCANDA NÜMUNƏVİ DİNLƏRARASI MÜNASİBƏTİ YÜKSƏK QİYMƏTLƏNDİRMİŞDİR
Görüşdə ABŞ ilə Azərbaycan arasında qarşılıqlı münasibətlərin bəzi aspektləri, Qafqaz və Yaxın Şərqlə bağlı məsələlər müzakirə edilmişdir.
Azərbaycanda vəzifə səlahiyyətlərini həyata keçirdiyi dövrdə ölkəmizdə şahidi olduğu tolerantlığı, nümunəvi dinlərarası münasibətləri xüsusi vurğulayan səfir, bu nailiyyətlərin qazanılmasında Şeyxülislamın səylərini yüksək dəyərləndirmişdir.
Şeyxülislam Allahşükür Paşazadə ümidvar olduğunu bildirmişdir ki, Amerika Birləşmiş Ştatları tərəqqi etməkdə olan Azərbaycana həmişə dost münasibət bəsləyəcək və fövqəldövlət kimi ölkəmizin başlıca problemi olan Qarabağ münaqişəsinin həllində daha fəal mövqe nümayiş etdirəcəkdir.
