ABŞ-IN AZƏRBAYCANDAKI SƏFİRİNİN ŞƏRƏFİNƏ QƏBUL

14.04.2006 [17:50]
Çap et
A⁺ A^-

AZƏRTAC xəbər verir ki, İraqın Bakıdakı səfirliyinin iqamətgahında bu ölkənin və Səudiyyə Ərəbistanı Krallığının səfirlikləri adından ABŞ səfiri Rino Harnişin Azərbaycanda səlahiyyət müddətinin başa çatması ilə əlaqədar onun şərəfinə qəbul təşkil olunmuşdur.

İraqın ölkəmizdəki səfiri Ərşad Ömər İsmayıl ABŞ səfirini, onun xanımını və qonaqları salamlamışdır.

R.Harniş səmimi qəbula görə təşəkkürünü bildirərək vurğulamışdır ki, Azərbaycanda yaşadığı illər ərzində ölkəmizi, xalqımızı sevmişdir və buradan ancaq xoş xatirələrlə ayrılır. O demişdir ki, Azərbaycanla əlaqələrini heç vaxt kəsməyəcəkdir.

R.Harniş əmin olduğunu bildirmişdir ki, ABŞ-Azərbaycan münasibətləri bundan sonra da genişlənib möhkəmlənəcəkdir.

Qəbulda xarici ölkələrin Bakıdakı səfirləri, ictimaiyyətin, kütləvi informasiya vasitələrinin nümayəndələri iştirak edirdilər.