ABŞ İRAQDA HƏR AY NƏ QƏDƏR VƏSAİT SƏRF EDİR?
AZƏRTAC xarici mətbuata istinadla xəbər verir ki, ABŞ İraqda hər ay 3,9 milyard dollar vəsait sərf edir. Bunu Pentaqonun başçısı Donald Ramsfeld iyulun 9-da konqresdə çıxışında bildirmişdir. O, müqayisə üçün başqa rəqəm gətirərək, ABŞ-ın Əfqanıstandakı aylıq xərclərinin 950 milyon dollar olduğunu göstərmişdir. Ramsfeldin sözlərinə görə, hazırda İraqda 148 min Amerika hərbi qulluqçusu var. Bundan əlavə, İraqda yerləşdirilmiş koalisiya qüvvələrinin tərkibinə 19 ölkənin hərbçiləri də daxildir. Ümumən, onların sayı 19 min nəfərə çatır ki, bu da ötən aydakından 7 min nəfər çoxdur. Ramsfeld vurğulamışdır ki, daha 19 ölkə 11 min əsgər göndərməyi vəd etmişdir.
