ABŞ Serbiya-Kosovo dialoqunda Aİ-nin vasitəçiliyinə etibar edir
Belqrad, 21 sentyabr, AZƏRTAC
ABŞ Serbiya və Kosovo arasında dialoqda vasitəçilik missiyasını yerinə yetirən Avropa İttifaqına (Aİ) tam etibar edir.
AZƏRTAC xəbər verir ki, bunu ABŞ-ın Kosovodakı səfiri Ceffri Hovenier deyib.
Səfir ABŞ-ın bu siyasətin obyektiv icraçılarına tam güvəndiyini, bölgəyə yalnız dialoqun sülh gətirəcəyini vurğulayıb. Deyib ki, bu prosesdə iştirak edən bütün aktorların içərisində olduqları prosesi qəbul etmələri vacibdir. Bizim gözləntilərimiz münasibətlərin normallaşması, Ohrid Sazişinin və onun əlavəsinin hər iki tərəfdən tam icrası istiqamətində işlərin aparılmasıdır.
O, ölkəsinin Serbiya və Kosovo arasında davamlı sülhə nail olunmasını istədiyini bildirib.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
