Tramp: Rusiyanın neft emalı zavodlarındakı vəziyyət dizel qıtlığına yol açır
Bakı, 1 oktyabr, AZƏRTAC
ABŞ Prezidenti Donald Tramp Ukraynanın Rusiyanın neft emalı zavodlarına endirdiyi zərbələrin qlobal dizel yanacağı bazarında qiymətləri artırdığını bildirib.
AZƏRTAC xəbər verir ki, Ağ Evdə jurnalistlərə açıqlama verən ABŞ lideri qeyd edib ki, dizel yanacağı problemləri Yaxın Şərqdən daha çox Rusiyada baş verənlərlə bağlıdır. Onlar oradakı neft emalı zavodlarını həyəcanverici sürətlə sıradan çıxarırlar.
Onun sözlərinə görə, əgər bu amil olmasaydı, dünyada dizel yanacağının bahalaşması problemi ilə qarşılaşmazdılar. Eyni zamanda, Amerika lideri vurğulayıb ki, o, hələ də ABŞ-dan dizel yanacağı ixracına müvəqqəti qadağa qoyulması məsələsini nəzərdən keçirir.
Bölmənin digər xəbərləri
