Emin Mahmudov: Sabah bizim üçün vacib oyun olacaq, qalib gəlmək istəyirik
Bakı, 30 sentyabr, AZƏRTAC
Sabah bizim üçün vacib oyun olacaq. Qalib gəlmək istəyirik.
AZƏRTAC xəbər verir ki, bu sözləri Azərbaycan milli komandasının futbolçusu Emin Mahmudov UEFA Millətlər Liqasında Bakıda Lixtenşteyn yığmasına qarşı keçiriləcək matçdan öncə təşkil olunan mətbuat konfransında deyib.
O, komandada məsuliyyət olduğunu deyib: “Mütləq qələbə qazanmalıyıq. Məşqçinin verdiyi tapşırıqları yerinə yetirmişik. Oyunu səbirsizliklə gözləyirik”.
Qeyd edək ki, oktyabrın 1-də Tofiq Bəhramov adına Respublika Stadionunda keçiriləcək Azərbaycan-Lixtenşteyn oyunu saat 20:00-da başlayacaq.
Fotoqraf - Səfiyar Məcnun
Bölmənin digər xəbərləri
