Pentaqon ABŞ silahlı qüvvələrində pilotsuz əməliyyatlar üçün yeni komandanlıq yaradır
Bakı, 1 oktyabr, AZƏRTAC
ABŞ-ın müdafiə katibi Pit Heqset ölkə silahlı qüvvələrində pilotsuz döyüş əməliyyatlarına cavabdeh olacaq Muxtar Hərb Komandanlığının (AutoWarCom) yaradıldığını elan edib.
AZƏRTAC xəbər verir ki, Virciniyadakı Quantico Dəniz Piyadaları bazasında çıxış edən Pentaqon rəhbərinin sözlərinə görə, yeni qurum silahlı qüvvələrin bütün qollarında robot və muxtar imkanların genişləndirilməsini təmin edəcək.
2027-ci ilin oktyabrında tam fəaliyyətə başlayacaq komandanlığa ilkin mərhələdə Müdafiə Nazirinin köməkçisi Ouen Vest rəhbərlik edəcək. Onun sözlərinə görə, əsas məqsəd ucuz pilotsuz sistemlərin istehsalını sürətlə qurmaq və süni intellektin tətbiqi ilə hərbi sahədə liderliyi qorumaqdır.
Bölmənin digər xəbərləri
