ABŞ Ukraynaya 2,3 milyard dollar dəyərində yeni yardım paketi ayıracaq
Vaşinqton ,3 iyul, AZƏRTAC
ABŞ tezliklə Ukraynaya 2,3 milyard dollar məbləğində yeni yardım paketi ayıracaq.
AZƏRTAC-ın verdiyi məlumata görə, bu barədə Müdafiə Departamentinin yaydığı məlumatda deyilir. Bildirilir ki, Pentaqonda müdafiə katibi Lloyd Ostinlə Ukraynanın müdafiə naziri Rustem Umerov arasında görüş keçirilib. Görüşdə Pentaqon rəhbəri ABŞ-ın Ukraynaya dəstəyi davam etdirmək prinsipinə tam sadiq olduğunu qeyd edib.
Məlumatda o da qeyd olunur ki, yeni paketə Ukrayna şəhərlərini və mülki əhalisini qorumaq üçün təcili ehtiyac duyulan hava hücumundan müdafiə vasitələri, o cümlədən artilleriya və tank əleyhinə silahlar daxildir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
