ABŞ VƏ TÜRKİYƏ HƏRBÇİLƏRİ ARASINDA BAŞ VERMİŞ HADİSƏNİ MÜŞTƏRƏK KOMİSSİYA ARAŞDIRACAQDIR
NATO-nun Avropadakı Birləşmiş Silahlı Qüvvələrinin və ABŞ-ın Avropadakı Silahlı Qüvvələrinin Ali Baş Komandanı general Ceyms L.Cons Ankaraya gəlmişdir. Türkiyə Silahlı Qüvvələri Baş Qərargahının rəisi, ordu generalı Hilmi Özkök ilə görüşdə Şimali İraqda türk və ABŞ əsgərləri arasında yaranan anlaşılmazlıq müzakirə olunmuşdur. Bu barədə qonağa Türkiyənin qəti etirazı bildirilmişdir. Görüş zamanı İraqdakı vəziyyət, NATOdaxili layihələr, bəzi beynəlxalq və regional məsələlər haqqında fikir mübadiləsi aparılmışdır. Şimali İraqda ABŞ və Türkiyə hərbçiləri arasında baş verən hadisənin müştərək komissiya tərəfindən araşdırılacağı bildirilmişdir.
Bölmənin digər xəbərləri
