ACARİYA PARLAMENTİ HÖKUMƏTİ TAM TƏRKİBDƏ İSTEFAYA GÖNDƏRDİ
Acariya Muxtar Respublikası parlamentinin Senatı və Respublika Şurası baş nazir Eduard Kakabadze başda olmaqla hökumətin tam tərkibdə istefaya getməsi barədə yekdil qərar qəbul etmişdir. AZƏRTAC İTAR-TASS-a istinadən bildirir ki, hökumətin istefaya göndərilməsinə səbəb, Muxtar Respublikanın dövlət büdcəsinin icrası ilə bağlı altı aylıq proqnozları yerinə yetirilməməsi olmuşdur. Muxtar Respublikanın başçısı Aslan Abaşidze parlamentin iclasındakı çıxışında baş nazir Eduard Kakabadzenin öz səlahiyyətindən sui-istifadə etdiyini bildirmişdir. Yeni baş nazir seçilənə qədər hökumətin səlahiyyətləri Aslan Abaşidzeyə həvalə olunmuşdur.
Bölmənin digər xəbərləri
