Açıq Avropa turniri: Bu gün 7 cüdoçumuz mübarizə aparacaq
Bakı, 13 fevral, AZƏRTAC
Bosniya və Herseqovinanın Sarayevo şəhərində cüdo üzrə açıq Avropa turniri davam edir.
AZƏRTAC xəbər verir ki, bu gün Azərbaycanın daha 7 cüdoçusu mübarizəyə qoşulacaq. Belə ki, kişilər arasında Məhərrəm İmamverdiyev, Kərim Allahverdiyev, Ömər Rəcəbli (81 kq), Əjdər Bağırov (90 kq), Ruslan Nəsirli və Sabir İsayev (100 kq) mübarizə aparacaqlar.
Qadınların yarışında isə Günel Həsənli (70 kq) gücünü sınayacaq.
Qeyd edək ki, turnirin birinci günündə 60 kiloqram çəki dərəcəsində çıxış edən cüdoçularımız Samir Piriyev və Turan Bayramov finalda mübarizə aparıblar. Samir Piriyev turnirin qızıl, Turan Bayramov isə gümüş medallarına layiq görülüblər.
Azərbaycan hazırda 1 qızıl, 1 gümüş medalla turnir cədvəlində 3-cü sırada qərarlaşıb.
Bu gün başa çatacaq turnirdə 26 ölkədən 321 idmançı iştirak edir.
Bölmənin digər xəbərləri
