AFFA Slovakiya Futbol Federasiyasına və UEFA-ya etirazını bildirib
Bakı, 23 sentyabr, AZƏRTAC
Futzal üzrə Avropa çempionatının play-off mərhələsinin cavab oyunları çərçivəsində Trnava şəhərində keçirilmiş Slovakiya - Azərbaycan qarşılaşması üçün hazırlanmış oyun proqramının üz qabığında və akkreditasiya vəsiqələrinin üzərində milli komandamızın oyunçusunun karikaturası öz əksini tapıb.
AZƏRTAC xəbər verir ki, karikaturanın hazırlanması və nəşri AFFA ilə razılaşdırılmayıb. Bununla əlaqədar olaraq, AFFA Slovakiyanın Futbol və Futzal federasiyalarına, həmçinin UEFA-ya etirazını bildirib.
Qeyd edək ki, Slovakiyada keçirilən qarşılaşma 1:1 hesabı ilə başa çatıb. Sentyabrın 15-də komandalar arasında Bakıda keçirilmiş ilk oyun 3:1 hesabı ilə millimizin xeyrinə başa çatdığı üçün cavab görüşündəki heç-heçə komandamızın növbəti mərhələyə vəsiqə qazanmasını rəsmiləşdirib.
Bölmənin digər xəbərləri
