Ağsuda qanvermə aksiyası keçirilmişdir
Ağsu, 2 may (AZƏRTAC). Səhiyyə Nazirliyinin B.Eyvazov adına Hematologiya Transfiziologiya İnstitutunun nəzdindəki Mərkəzi Qan Bankı mayın 2-də Ağsu rayonunda qanvermə aksiyası keçirmişdir.
Qan Bankının təşkilat şöbəsinin müdiri Gülarə Abbasova AZƏRTAC-a bildirmişdir ki, aksiya talassemiya xəstəliyindən əziyyət çəkən uşaqlar üçün nəzərdə tutulmuşdur və bu tədbir respublikanın bütün şəhər və rayonlarını əhatə edəcəkdir.
Mərkəzi rayon xəstəxanasında keçirilən qanvermə aksiyasında Ağsu sakinləri yüksək fəallıq nümayiş etdirmişlər.
Hərtərəfli müayinədən sonra 150 nəfərdən qan götürülmüşdür.
Bölmənin digər xəbərləri
