AIPS-in konqresində Yeniyetmələrin Beynəlxalq Yaşıl Oyunlarının təqdimatı keçirilib
Bakı, 5 fevral, AZƏRTAC
Dünya İdman Mətbuatı Assosiasiyasının (AIPS) Budapeştdə keçirilən konqresində Yeniyetmələrin Beynəlxalq Yaşıl Oyunlarının təqdimatı olub.
Bu barədə AZƏRTAC-a konqresdə iştirak edən Azərbaycan İdman Jurnalistləri Federasiyasının rəhbəri Qabil Mehdiyev məlumat verib.
Təqdimat mərasimində qeyd edilib ki, Monqolustanın paytaxtı Ulan-Batorda keçiriləcək yarışda Beynəlxalq Olimpiya Komitəsinin üzvü olan 195 ölkədən 4 mindən çox idmançının iştirakı planlaşdırılır. Sentyabrın 13-dən 20-dək baş tutacaq yarışlar kamandan oxatma, atletika, basketbol (5x5 və 3x3), şahmat, qayayadırmanma, kriket, e-sport, qılıncoynatma, futbol, ciu-citsu, cüdo, sambo, atıcılıq, üzgüçülük, stolüstü tennis, taekvondo, voleybol və güləş növləri üzrə keçiriləcək. İdman proqramında paralimpiyaçılar cüdo, qılıncoynatma, xüsusi olimpiyaçılar stolüstü tennis, voleybol, deflimpiyaçılar basketbol, şahmat yarışlarında güclərini sınayacaqlar.
Bölmənin digər xəbərləri
