AKADEMİK ZƏRİFƏ ƏLİYEVA ADINA MƏKTƏBDƏ MÜƏLLİM GÜNÜ QEYD OLUNMUŞDUR

08.10.2004 [16:20]
Çap et
A⁺ A^-

AZƏRTAC-ın müxbiri xəbər verir ki, akademik Zərifə Əliyeva adına Bərdə şəhər orta məktəbində Beynəlxalq müəllim gününə həsr olunmuş tədbir keçirilmişdir.

Tədbir iştirakçıları Zərifə xanımın abidəsi önünə gül-çiçək dəstələri qoymuşlar.

Ümummilli liderimiz Heydər Əliyevin xatirəsini bir dəqiqəlik sükutla yad etmişlər.

Respublikanın əməkdar müəllimi Minayə Nəbbaqi, məktəbin direktoru Rzaqulu Şərifov və başqaları çıxış edərək, xalq təhsilinə göstərdiyi diqqət və qayğıya görə ölkə Prezidenti İlham Əliyevə dərin minnətdarlıqlarını bildirmişlər.

Rayonun bir qrup qabaqcıl müəlliminə icra hakimiyyətinin hədiyyələri təqdim edilmişdir.

Tədbir iştirakçıları məktəbin kompüter və linqafon kabinetləri ilə də tanış olmuşlar.