“Akkord” korporasiyası sement istehsalına 400 milyon manatdan artıq vəsait xərcləyəcəkdir
Bakı, 31 oktyabr (AZƏRTAC). “Akkord” korporasiyası sement istehsalına 230 milyon manat maliyyə vəsaiti yatırmışdır. Bu sahəyə yaxın zamanda daha 200 milyon manat ayrılması nəzərdə tutulmuşdur.
Korporasiyanın Direktorlar Şurası sədrinin müavini Suad Çalbıyıq AZƏRTAC-a bildirmişdir ki, ilkin mərhələdə daha çox yatırımın səbəbi Qazax sement zavodunun inşası zamanı infrastruktur layihələrinin həyata keçirilməsi ilə bağlıdır.
Zavodun inşasından əlavə ümumi layihə çərçivəsində bir sıra mülki, infrastruktur və enerji obyektlərinin də inşası başa çatdırılmış, 8 kilometr avtomobil yolunun, 18 kilometr dəmir yolu xəttinin tikintisi, 15 kilometr xarici su xəttinin, 26 kilometr 110 kilovoltluq yüksək gərginlikli xarici elektrik xəttinin çəkilməsi və s. işlər görülmüşdür.
Bölmənin digər xəbərləri
