“Ali riyaziyyat” dərsliyi çapdan çıxıb
Bakı, 14 may, AZƏRTAC
AMEA Riyaziyyat və Mexanika İnstitutunun direktoru, akademiyanın müxbir üzvü Misir Mərdanov, institutun şöbə müdiri, professor Ramiz Aslanov və Bakı Dövlət Universitetinin (BDU) dosenti Sevda İsayevanın həmmüəllifi olduqları “Ali riyaziyyat” dərsliyi işıq üzü görüb.
Akademiyadan AZƏRTAC-a bildirilib ki, “Təhsil” nəşriyyatında çap olunan dərslik on fəsil və üç əlavədən ibarətdir. Nəşr riyaziyyatın xətti cəbr və analitik həndəsənin elementləri, riyazi analizə giriş, inteqral hesabı, çoxdəyişənli funksiyalar, kompleks ədədlər, adi diferensial tənliklər, xüsusi törəməli diferensial tənliklər, ehtimal nəzəriyyəsi və riyazi statistikanın elementləri bölmələrini əhatə edir.
Dərslik BDU-nun Kimya və Coğrafiya fakültələrinin tədris planlarına və proqramlarına uyğun hazırlanıb. Vəsaitdən BDU-nun riyaziyyat ixtisası istisna olmaqla, digər ixtisaslarda təhsil alan tələbələri, eləcə də başqa universitetlərin tələbələri və müəllimləri istifadə edə bilərlər.
Bölmənin digər xəbərləri
