ALMANİYA KANSLERİ “NEFT BAZARINDA DAHA AYDIN ŞƏFFAFLIĞA” NAİL OLMAĞA ÇAĞIRMIŞDIR
AZƏRTAC-ın xüsusi müxbiri xəbər verir ki, “böyük səkkizlər”in sammiti çərçivəsində ABŞ prezidenti Corc Buşla dünya neft bazarında yaranmış vəziyyəti birgə müzakirə edən Almaniya kansleri Gerhard Şröder jurnalistlərə demişdir ki, neftin qiymətinin artması Almaniya iqtisadiyyatına hələlik təhlükə törətmir. Bununla yanaşı, kansler qeyd etmişdir ki, onun ölkəsi neftin qiymətinin uzun müddət bu qədər yüksəkdə qalmasına tərəfdar deyildir. Kanslerin fikrincə, neftin qiymətləri 22-28 dollardan artıq olmamalıdır.
Neftin bahalaşmasının səbəbini saxta əməliyyatlarda görən G.Şröder hamını “neft bazarında daha aydın şəffaflığa” nail olmağa çağırmışdır. Lakin alman lideri saxta əməliyyatlar deyəndə nəyi nəzərdə tutduğunu açıqlamamışdır.
Bölmənin digər xəbərləri
