Eritreya Efiopiya ilə bütün diplomatik əlaqələri kəsib
Bakı, 2 oktyabr, AZƏRTAC
Eritreya Efiopiya ilə bütün diplomatik əlaqələri kəsmək qərarına gəlib.
AZƏRTAC xəbər verir ki, bu barədə Qərb mediası məlumat yayıb.
Məlumata görə, qərar Efiopiyanın Eritreyadakı səfirliyini bağlaması və 10 diplomatı “persona non qrata” elan etməsindən sonra verilib.
Efiopiya Xarici İşlər Nazirliyi isə Eritreyanı “birbaşa və dolayı düşmənçilik hərəkətlərində və təcavüzkarlıqda” ittiham edib.
Qeyd edək ki, Eritreya 1993-cü ildə Efiopiyadan müstəqillik əldə edib. İki ölkə 1998-2000-ci illərdə müharibə aparıb. 2018-ci ildə münasibətlər normallaşsa da, son illərdə tərəflər arasında gərginlik yenidən artıb.
Bölmənin digər xəbərləri
