Misir Efiopiya diplomatını ölkədən çıxaracaq
Bakı, 2 oktyabr, AZƏRTAC
Misir Efiopiyanın Əddis-Əbəbədəki Misir diplomatik nümayəndəliyinin əməkdaşını arzuolunmaz şəxs elan etməsinə cavab olaraq, Qahirədəki Efiopiya səfirliyinin bir əməkdaşını ölkədən çıxaracaq.
AZƏRTAC xəbər verir ki, bu barədə “Əl-Qahira əl-İxbariya” dövlət telekanalı məlumat yayıb. Bildirilir ki, diplomat 48 saat ərzində Misiri tərk etməlidir.
Qeyd edək ki, Efiopiya oktyabrın 1-də Misir səfirliyinin əməkdaşlarından birini “persona non qrata” elan edib. Qahirə qərarı əsassız hesab etsə də, Əddis-Əbəbənin addımına mütənasib cavab verəcəyini açıqlayıb.
Bölmənin digər xəbərləri
