ALMANİYANIN DÜSSELDORF ŞƏHƏRİNDƏ NARKOBİZNESÇİLƏRİN BÖYÜK MƏRKƏZİ DAĞIDILMIŞDIR

21.10.2004 [16:07]
Çap et
A⁺ A^-

AZƏRTAC-ın xüsusi müxbiri xəbər verir ki, Almaniyanın Narkotiklərlə Mübarizə İdarəsi, gömrük xidməti və polis əməkdaşlarının Düsseldorf şəhərində keçirdikləri əməliyyat nəticəsində peşəkar narkobiznesçilərin dünya narkotik qaçaqmalçıları ilə əlaqədə fəaliyyət göstərən təhlükəli mərkəzi aşkar edilmişdir. Əməliyyat zamanı 23 narkokuryer həbs edilmiş, külli miqdarda narkotik vasitə müsadirə olunmuşdur. Axtarışın başlanması ərəfəsində mərkəzdən növbəti alış-veriş əməliyyatına çıxmaq istəyən kuryer qadından 36,5 kiloqram heroin və kokain götürülmüşdür.

Polisin məlumatına görə, narkobiznes mərkəzinə Düsseldorfda məskunlaşmış 33 yaşlı Nigeriya vətəndaşı başçılıq edir. Onun kuryerləri isə narkobiznesi və fahişəliyi asan qazanc mənbəyi seçmiş almaniyalı qadınların böyük dəstəsidir. Bu qadınlar mütəmadi olaraq digər ölkələrə göndərilmiş və Almaniya ərazisinə qanunsuz yollarla külli miqdarda narkotik vasitələr gətirmişlər.

Axtarış əməliyyatlarını davam etdirən polis və gömrük əməkdaşları elə həmin gün Münster dəmir yolu vağzalında qatardan düşüb narkobiznes mərkəzinə yollanan 18 yaşlı kuryeri həbs etmişlər. Onun əl çantasında plastik torbalarda qablaşdırılmış kokain və heroin aşkar olunmuşdur. Polis bildirdi ki, qara bazarda bu qədər narkotik vasitənin qiyməti 100 min avroya bərabərdir.

ALMANİYANIN DÜSSELDORF ŞƏHƏRİNDƏ NARKOBİZNESÇİLƏRİN BÖYÜK MƏRKƏZİ DAĞIDILMIŞDIR

MÜƏLLİFLƏ ƏLAQƏ

Bölmənin digər xəbərləri