Almaniyanın “Fortuna” klubunun daha bir futbolçusu Azərbaycan millisinə dəvət almışdır
Bakı, 14 noyabr (AZƏRTAC). Almaniyanın “Fortuna” futbol klubunun U-23 komandasında çıxış edən Eren Taşkın Azərbaycanın gənclərdən ibarət (U-21) yığmasına dəvət almışdır.
AZƏRTAC xəbər verir ki, bu barədə Almaniya mətbuatı məlumat yaymışdır. Məlumatda bildirilir ki, E.Taşkın Azərbaycandan dəvət alsa da, hələlik komandamıza qoşula bilmir. Bunun səbəbi isə gənc futbolçunun zədəli olmasıdır. Onu Azərbaycan millisinin çalışdırıcısı Bernard Lippertə Düsseldorf təmsilçisinin baş məşqçisi Taşkın Aksoy məsləhət görmüşdür.
Azərbaycanın U-21 komandasında “Fortuna”nın U-23 kollektivinin daha bir üzvü - Toğrul Erat da çıxış edir. E.Taşkın kimi, onu da məhz T.Aksoy yığmamızın almaniyalı baş məşqçisinə təklif etmişdi.
Bölmənin digər xəbərləri
