ALMATIDA “ŞAKEN ULDUZLARI-2008” ADLI BEYNƏLXALQ KİNO FESTİVALI KEÇİRİLİR
AZƏRTAC-ın xüsusi müxbiri xəbər verir ki, Qazaxıstanın Mədəniyyət və İnformasiya Nazirliyinin təşəbbüsü ilə Almatıda “Şaken ulduzları-2008” adlı ənənəvi altıncı beynəlxalq kino festivalı keçirilir.
Festivalda Azərbaycan, Almaniya, Türkiyə, Rusiya, Kanada, İspaniya da daxil olmaqla, dünyanın 23 ölkəsindən gəlmiş gənc rejissorlar iştirak edirlər. Ölkəmiz bu tədbirdə gənc rejissor İlqar Safatın “Qobustana qayıdış” filmi ilə təmsil olunur.
Dünyanın tanınmış kino rejissorları və aktyorlarından ibarət münsiflər heyətinə dünya şöhrətli qırğız rejissoru, SSRİ xalq artisti Bolot Şəmşiyev rəhbərlik edir.
Festivalda münsiflər heyətinə 64 tammetrajlı və qısametrajlı filmlər təqdim olunmuşdur.
İndiyədək hər il Almatıda keçirilən bu festival gələn ildən İstanbulda olacaqdır.
Bölmənin digər xəbərləri
