Altsheymer xəstəliyini illər öncə müəyyən etmək olacaq
Bakı, 28 mart, AZƏRTAC
Altsheymer xəstəliyini otuz il öncədən müəyyən etmək mümkün olacaq.
AZƏRTAC xəbər verir ki, xəstəliyin diaqnozu üçün yeni qan analizi müəyyən edilib. Təhlillər üçün sadəcə bir neçə damcı qan tələb olunur.
Bir çox patologiyalarda olduğu kimi Altsheymer xəstəliyinin müalicəsində də ilkin diaqnoz əsas rol oynayır. Hazırda bu xəstəlik olduqca irəliləmiş mərhələlərdə müəyyən olunur.
Bu, yeni üsul otuz il əvvəldən yaranabiləcək problemin əlamətlərinin diaqnozunu qoymağa imkan verir. Yaponiya və Avstraliyadan olan 373 pasiyent üzərində tətbiq edilən testin dəqiqliyinin 90 faiz təşkil etdiyi müəyyənləşib. Test beta-amiloid zülalının müəyyən edilməsinə əsaslanır. Belə ki, bu zülalın qanda müəyyən edilməsi xəstəliyin ilkin əlaməti hesab edilir.
Hazırda tədqiqatçılar tərəfindən xəstəliyin diaqnozunun öncədən qoyulması üçün başqa testlər də araşdırılır.
Melburn Universitetinin aparıcı tədqiqatçılarından olan Kolin Mastersin sözlərinə görə testin təxminən beş ildən sonra 55-60 yaşlı pasiyentlər üzərində tətbiqinə başlamaq mümkün olacaq.
Bölmənin digər xəbərləri
