AMERİKALI BAŞINDA MİSMARLAR GƏZDİRİRMİŞ
AZƏRTAC NTV telekanalına istinadla xəbər verir ki, ABŞ-ın Portlend şəhərində cərrahlar baş ağrıları ilə müraciət edən 33 yaşlı kişinin başından bir dəstə mismar çıxarmışlar. Həkimlər ilkin müayinə zamanı şübhəli heç nə aşkar etməmişlər, lakin rentgen şəkilləri göstərmişdir ki, kəllənin gicgah hissələri 5 santimetr uzunluğunda mismarlarla doludur. Məlum olmuşdur ki, 12 metal əşyanın hər biri insanı öldürə bilərdi. Lakin zərərçəkən nəinki sağ qalmış, hətta onun beyin fəaliyyəti belə pozulmamışdır. Əməliyyatdan sonra o, etiraf etmişdir ki, bir gün əvvəl tikinti tapançasının köməyi ilə özünə qəsd etməyə çalışmışdır. Bundan sonra xəstəni bir ay müddətinə psixiatriya klinikasına qoymuşlar.
Bölmənin digər xəbərləri
