Analitik informasiya bazası aqrar sahədə daha köklü islahatların həyata keçirilməsinə imkan verir
Bakı, 31 may, Ramiz Quliyev, AZƏRTAC
Kənd Təsərrüfatı Nazirliyində yaradılmış Analitik informasiya bazası aqrar sahədə daha köklü islahatların həyata keçirilməsinə imkan verir.
AZƏRTAC xəbər verir ki, bu fikri jurnalistlərə müsahibəsində nazirliyin Strateji təhlil və planlaşdırılma şöbəsinin müdiri Firdovsi Fikrətzadə bildirib.
Nazirlik rəsmisi qeyd edib ki, məqsəd daha qabaqcıl təcrübəyə əsaslanan proqnozlaşdırma modellərinin qurulmasıdır: “Şübhəsiz ki, modellə tələb olunan informasiya bazası daha genişdir. Nazirliyin proqnozlaşdırma modelinin əsas mahiyyəti isə uzun müddətli inkişaf məqsədləri əsasında kənd təsərrüfatının sahələri üzrə təhlil və proqnozlaşdırmanı nəzərdə tutur”.
Onun sözlərinə görə, aqrar sahənin bütün elementləri üzrə təkmilləşdirilməsi daimi bir prosesdir. Sözügedən proses konkret ehtiyac və tələblərə əsaslanır. Nəticə etibarı ilə kənd təsərrüfatının təhlil və proqnozlaşdırılması bütün sahələri əhatə edir.
Bölmənin digər xəbərləri
