Anar Bağırov: Müstəqil Azərbaycanda vəkilliyin təşəkkül tapmasında ulu öndər Heydər Əliyevin rolu əvəzsizdir
Bakı, 9 may, AZƏRTAC
Müstəqil Azərbaycanda vəkilliyin təşəkkül tapmasında ulu öndər Heydər Əliyevin rolu əvəzsizdir.
AZƏRTAC xəbər verir ki, bunu Vəkillər Kollegiyasının Rəyasət Heyətinin sədri Anar Bağırov jurnalistlərə müsahibəsində deyib.
A.Bağırov bildirib: “Bu gün Vəkillər Kollegiyasının çoxsaylı üzvləri, vəkilliyə namizədlər ulu öndər Heydər Əliyevin 95 illik yubileyi münasibətilə Ümummilli Liderin məzarını ziyarət etdilər. Ölkəmizdə müstəqil vəkilliyin yaranmasının təşəbbüskarı Heydər Əliyev olub. Azərbaycan vəkilləri bu xidmətləri heç vaxt unutmayacaq. Ulu öndər Heydər Əliyevin təşəbbüsü ilə yaranan vəkillik təsisatı bu gün də inamla inkişaf edir və vətəndaşlarımıza keyfiyyətli hüquqi yardımın təmin olunmasında lazımi səyləri göstərir. Azərbaycan vəkilləri ulu öndər Heydər Əliyevin xatirəsini həmişə dərin ehtiramla yad edirlər”.
Bölmənin digər xəbərləri
