Ankarada noqay şairi Kadriyə Temirbulatovanın yubileyi qeyd olunub
Ankara, 25 yanvar, AZƏRTAC
Ankarada Beynəlxalq Türk Mədəniyyəti Təşkilatının (TÜRKSOY) təşkilatçılığı ilə görkəmli noqay şairi Kadriyə Temirbulatovanın anadan olmasının 70-ci ildönümü münasibətilə konfrans keçirilib.
AZƏRTAC xəbər verir ki, tədbir TÜRKSOY-un həyata keçirdiyi “Türk dünyasının görkəmli şəxslərinin tanıdılması” layihəsi çərçivəsində gerçəkləşib.
Əvvəlcə şairin yaradıcılığı ilə bağlı çıxışlar dinlənilib. Şairənin şeirlərindən nümunələr oxunub.
Rəngarəng bədii proqramla davam edən tədbirdə şairənin vətənindən, Rusiyanın Dağıstan Respublikasından gələn şair və sənətçilərdən ibarət geniş tərkibli nümayəndə heyəti iştirak edib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
