Stokholm, 28 sentyabr, Nərgiz Cəfərli, AZƏRTAC

Ədliyyə Ombudsmanının təhqiqat altında olan Stokholm qubernatoru Anna Kinqberq Batra vəzifəsini itirə bilər. Bu ilin yazında Batra üç dostunu Stokholm Şəhər Şurasına işə götürüb. Qubernatorun hərəkətləri ciddi tənqidlə üzləşib.

AZƏRTAC xəbər verir ki, Batraya qubernator kimi ona olan etibarın itdiyi bildirilib.

“Bu (qubernatorun hərəkətləri - red.) əsas qaydalara diqqətsizlik və hörmətsizlikdən xəbər verir. Qubernatoru baş verənlər narahat etmir”, - deyə Ədliyyə Ombudsmanı Per Lennerbrant qubernatorun bir çox məhəl qoymadığını deyib.

“İsveç Demokratları” və “Mötədil” partiyaların bir neçə üzvü qubernatorun istefasını tələb etsə də, o, vəzifəsində qalacağını bildirib.

“İşləməyə davam etməkdən başqa heç bir planım yoxdur. Mənim vacib işim və çox istedadlı işçilərim var”, - deyən Batra, etibarını bərpa edəcəyinə ümid etdiyini bildirib.

Şəhər şurasında məsələyə maraq və həssaslıqla yanaşacaq yeni qubernatorun seçiləcəyinə ümid edirlər.