A.Novak: Neft bazarı pandemiyadan əvvəlki vəziyyətinə qayıdıb
Moskva, 3 avqust, AZƏRTAC
Neft bazarı pandemiyadan əvvəlki vəziyyətinə qayıdıb.
AZƏRTAC xəbər verir ki, bu fikri Rusiya baş nazirinin müavini Aleksandr Novak jurnalistlərə açıqlamasında söyləyib. Onun fikrincə, OPEK+ təşkilatının sentyabrda neft hasilatını sutkada 100 min barelə çatdırmaq qərarı artan tələbatı təmin etməyə yönəlib. Rusiya rəsmisi hazırda aviasiya uçuşlarının 2020-ci ilin apreli ilə müqayisədə 23 faiz artığını vurğulayıb.
Eyni zamanda, A.Novak neft bazarında qeyri-müəyyənliyin də mövcudluğunu istisna etməyib. Belə ki, COVID-19 virusunun yenidən yayılması ilə əlaqədar mümkün karantin riski hələ də qalır, üstəlik, Rusiya neft sahəsinə tətbiq edilmiş sanksiyalara görə logistik problemlər də yaşanmaqdadır.
A.Novak OPEK+ təşkilatı üzvlərinin hər ay görüş keçirəcəklərini diqqətə çatdırıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
