İQTİSADİYYAT
Aparat rəhbəri: Kənd təsərrüfatı sahəsində qiymətləndiricilərin fəaliyyətinə ehtiyac var
![Aparat rəhbəri: Kənd təsərrüfatı sahəsində qiymətləndiricilərin fəaliyyətinə ehtiyac var](/files/2024/2/1200x630/17172320742305258341_1200x630.jpg)
Bakı, 1 iyun, AZƏRTAC
Kənd təsərrüfatı sahəsində də qiymətləndiricilərin fəaliyyətinə ehtiyac var. Bu sektorda həyata keçirilən layihələr, infrastrukturla bağlı görülən işlərdə qiymətləndirilmələr aparılır.
AZƏRTAC xəbər verir ki, bunu Kənd Təsərrüfatı Nazirliyinin Aparat rəhbəri Azad Cəfərli Türk Dövlətləri Qiymətləndiricilər Birlikləri Şurasının toplantısında və III Beynəlxalq Qiymətləndiricilər Forumunda deyib.
O qeyd edib ki, işğaldan azad olunan ərazilərdə yaşıl iqtisadiyyat tətbiq olunur ki, bu da qiymətləndiricilərin fəaliyyətinin genişlənməsində xüsusi əhəmiyyət daşıyır.
Azərbaycanda 119 min hektarda müasir suvarma sistemi quraşdırıldığını deyən Azad Cəfərli əlavə edib ki, 60 min hektarda isə pivot suvarma sistemləri, damcılı sistem tətbiq olunur.