“ARAZ” UEFA KUBOKU UĞRUNDA YARIŞLARIN ƏSAS MƏRHƏLƏSİNİ QƏLƏBƏ İLƏ BAŞA VURMUŞDUR
AZƏRTAC xəbər verir ki, futzal üzrə Azərbaycan çempionu “Araz” komandası UEFA kuboku uğrunda yarışların əsas mərhələsini qələbə ilə başa vurmuşdur. Keçirdiyi bütün görüşlərdə yüksək səviyyəli oyun nümayiş etdirən futzalçılarımızın qrupdakı son matçda Slovakiyanın “Slov-Matik” klubunu 4:2 hesabı ilə məğlubiyyətə uğratmışdır.
“Araz” UEFA kuboku uğrunda yarışların elit raunduna vəsiqəni erkən təmin etmişdi. Qrupda keçirdiyi ilk oyunda İsveçin “Kövde” klubuna 11:2, Bolqarıstanın “Nadin” komandasına isə 6:1 hesabı ilə qalib gələn təmsilçimiz növbəti mərhələdə çıxış edəcəyini yəqinləşdirmişdir. Əsas mərhələnin son oyunu qrup liderini müəyyənləşdirmək baxımından əhəmiyyətli idi. Beləliklə, “Araz” futzal üzrə UEFA kubokunun əsas mərhələsini qrup lideri kimi başa vurmuşdur.
Bölmənin digər xəbərləri
