ARDNŞ İYULDA 176 MİN TONA YAXIN NEFT MƏHSULU İXRAC ETMİŞDİR
Azərbaycan Respublikası Dövlət Neft Şirkətinin (ARDNŞ) Marketinq və İqtisadi Əməliyyatlar İdarəsindən AZƏRTAC-a bildirmişlər ki, 2008-ci ilin iyulunda 175 min 999 ton neft məhsulu ixrac edilmişdir. İxrac olunmuş məhsulun 28 min 414 tonu avtomobil benzini, 70 min 521 tonu dizel yanacağı, 14 min 714 tonu təyyarə yanacağı, 62 min 350 tonu isə soba mazutu olmuşdur.
2008-ci ilin yanvar-iyul aylarında 212 min 87 ton avtomobil benzini, 726 min 583 ton dizel yanacağı, 142 min 933 ton təyyarə yanacağı, 276 min 781 ton soba mazutu ixrac edilmişdir.
İyulda dünya bazarında avtomobil benzininin qiyməti (1 ton üçün) 1090,27 dollar, təyyarə yanacağının 1328,62 dollar, dizel yanacağının 1204,11 dollar, 1 faizli kükürdlü mazutun qiyməti isə 737,32 dollar təşkil etmişdir.
Bölmənin digər xəbərləri
