ARGENTİNALI MƏKTƏBLİLƏR YIĞMA KOMANDALARININ OYUNLARINI SİNİFDƏ CANLI İZLƏYƏCƏKLƏR
AZƏRTAC xarici KİV-lərə istinadla xəbər verir ki, Argentinanın bir neçə ştatının hakimiyyət orqanları ölkənin yığma komandasının Dünya futbol çempionatındakı oyunlarını məktəblərdə birbaşa yayımlamağı qərara almışdır. Buenos-Ayres şəhərinin, habelə Kordoba və Mendosa əyalətlərinin məktəbliləri final turnirinin oyunlarını sinifdəcə izləyəcəklər.
Təhsil Nazirliyi yığma komandanın oynayacağı günlərdə dərs prosesini planlaşdırmaq üçün məktəblərə 47 səhifəlik təlimat göndərmişdir. Təhsil naziri Daniel Filmusun fikrincə, bu yolla dərsdən yayınma hallarının qarşısı alınacaqdır.
Bölmənin digər xəbərləri
