“ARŞIN MAL ALAN” PAVLODAR SAHƏSİNDƏ
Pavlodardakı vilayət Musiqili Dram Teatrı yeni mövsümü dahi bəstəkarımız Üzeyir Hacıbəyovun “Arşın mal alan” komediyası ilə açmışdır. Tamaşanın quruluşçu rejissoru Yerasim Tapsenovdur. Anşlaqla keçən ilk tamaşa qazax dilində getmişdir. Lakin tamaşaçılar salonda quraşdırılmış aparatların köməyi ilə onu rus dilində də dinləmək imkanı qazanmışlar.
Y.Tapsenov AZƏRTAC-ın müxbiri ilə söhbətində demişdir: Böyük Üzeyir Hacıbəyovun əsərləri Qazaxıstanda tez-tez tamaşaya qoyulur. “Arşın mal alan” əvvəllər də repertuarımızda olmuşdur. Ancaq biz yenidən bu məşhur komediyaya müraciət etməyi lazım bildik. Tamaşanın böyük uğurla keçməsi sübut edir ki, biz yanılmamışıq. Gələcəkdə Üzeyir Hacıbəyovun digər komediyalarını da tamaşaya qoymaq fikrindəyik.
Qulu Kəngərli
AZƏRTAC-ın xüsusi müxbiri
Pavlodar
Bölmənin digər xəbərləri
