“ARTİLLERİYANIN ALLAHI SAYILAN” SƏNƏDLİ FİLMİNİN TƏQDİMAT MƏRASİMİ KEÇİRİLMİŞDİR
Mərasimdə çıxış edən Rusiyanın Azərbaycandakı səfiri Nikolay İstratov bildirmişdir ki, bu film noyabrın 19-da qeyd olunacaq Rus Artilleriyası gününə gözəl bir töhfədir. Diplomat demişdir ki, əslən Azərbaycandan olan top artilleriyasının komandiri, Rusiyanın ən hörmətli general-leytenantı Əliağa Şıxlinski həm sizin, həm də bizim əzizimizdir. O, çar Rusiyası tərəfindən bir çox orden və medallarla, həmçinin rus-yapon müharibəsində göstərdiyi igidliyə görə Müqəddəs Georgi ordeninə layiq görülmüşdür.
Ə.Şıxlinski nəslindən olan rabitəçi mühəndis Ənvər Şıxlinskinin oğlu, filmin rejissoru Ziya Şıxlinski filmin araya-ərsəyə gəlməsində, Kremlin Georgiyevski zalında gedən çəkilişlərdə, Moskva arxivlərindən sənədlərin əldə olunmasında göstərdiyi köməyə görə rus həmkarlarına minnətdarlığını bildirmişdir. O qeyd etmişdir ki, film Bakı və Moskva arxivlərinin sənədləri əsasında çəkilmişdir.
Bölmənin digər xəbərləri
