Arzum budur ki, gələn il bu yürüş Xocalıda keçirilsin
Bakı, 26 fevral, P.İmanova, AZƏRTAC
Bu gün biz XX əsrin ən dəhşətli və qanlı faciələrindən biri olan Xocalı soyqırımının 25-ci ildönümü ilə əlaqədar Bakıda ümumxalq yürüşündə iştirak etdik, Xocalı soyqırımı abidəsini ziyarət etdik. Arzum budur ki, gələn il bu yürüş Xocalıda keçirilsin.
Bu sözləri AZƏRTAC-a müsahibəsində Xətai Rayon Gigiyena və Epidemiologiya Mərkəzinin həkimi Reyhan Quliyeva söyləyib.
R.Quliyeva deyib: “Xalqımız 25 ildir ki, Xocalı ağrısı ilə yaşayır. Xocalıda qadınların, uşaqların, qocaların aman verilmədən qətlə yetirilməsi nəinki azərbaycanlılara, bütün bəşəriyyətə qarşı ağır cinayətdir. Biz əminik ki, Xocalı qətliamının təqsirkarları tezliklə haqlı cəzalarını alacaqlar. Azərbaycan xalqının işğal altındakı torpaqları düşməndən azad ediləcək”.
Bölmənin digər xəbərləri
