ASİYADA ATİPİK PNEVMONİYA YENİDƏN BAŞ QALDIRIR

09.09.2003 [21:58]
Çap et
A⁺ A^-

Dünya ictimaiyyəti iyulun əvvəllərində bir çox ölkələrdə, xüsusən də Çində tüğyan edərək, 900-dən çox insanın ölümünə səbəb olmuş qeyri-müəyyən mənşəli bir xəstəliyin - atipik pnevmoniyanın qarşısının alındığına, deyəsən, tez arxayın olmuşdur. Çünki Asiyadan, daha dəqiq desək, Sinqapurdan bu bəlanın yenidən baş qaldırdığı barədə xəbərlər gəlir.

Xarici informasiya agentlikləri xəbər xerir ki, Sinqapurda atipik pnevmoniya ilə xəstələnmə halları qeydə alınmış, 25 nəfər isə karantinə göndərilmişdir. Bir nəfər dərhal təcrid edilmişdir. Etnik çinli olan bu xəstə Sinqapur Milli Universiteti yanında laboratoriyada mikrobioloji tədqiqatlarla məşğul olurdu. Onun tədqiqat obyekti məhz atipik pnevmoniya virusu idi.

Xatırladaq ki, yayda Sinqapurda bu xəstəlikdən 33 adam ölmüşdü.

ASİYADA ATİPİK PNEVMONİYA YENİDƏN BAŞ QALDIRIR

MÜƏLLİFLƏ ƏLAQƏ

Bölmənin digər xəbərləri